Terminals, expressways at train stations, target gamiting COVID-19 vax sites
MANILA, Philippines — Upang mapaigting ng pamahalaan ang vaccination drive ay target ng Department of Transportation (DOTr) na gamitin bilang COVID-19 vaccination sites ang mga integrated transport terminals, expressways at mga train stations sa bansa.
“We’re actually exploring that possibility [of vaccination]. We’re mostly looking at the integrated terminals for the road transport. We’re also looking at the other stations for the rail transport,” pahayag ni Transportation Undersecretary Artemio Tuazon Jr.
Sinabi ni Tuazon na pinag-aaralan na ng TRB kung saan isasagawa ang pagbabakuna, alinsunod sa direktiba ni DOTr Secretary Art Tugade.
Nakikipag-usap na rin aniya ang mga opisyal ng DOTr sa Metropolitan Manila Development Authority (MMDA) at Parañaque Integrated Terminal Exchange (PITX) para sa pagbabakuna ng mga driver at operators doon.
Kasalukuyang nagpapairal ang DOTr ng ‘no vaccination, no ride policy’ sa mga pampublikong transportasyon sa NCR para protektahan ang mga hindi pa bakunadong indibidwal laban sa COVID-19.
- Latest
