Ancajas-Ioka unification bout giuswag
CEBU, Philippines — Ang giatngan nga unification bout tali nilang Jerwin Ancajas ug Kazuto Ioka karon untang bisperas sa bag-ong tuig didto sa Japan giuswag tungod sa hulga nga gidala ning bag-ong Omicron variant sa Covid-19.
Original nga gikatakda sa Disiyembre 31 didto sa Ota-City General Gymnasium sa Tokyo, ang duha ka mga kampiyon gikinahanglan nga magpaabot pa aron madayon ang ilang panag-abot gumikan kay ang Japan mi-isyu man og ban batok sa pagbiyahe sa mga langyaw sa ilang dapit isip panagang niini sa Omicron nga mikunayap karon sa nagkadaiyang dapit sa kalibutan.
Ang MP Promotions ni Manny Pacquiao maoy mikompirmar sa pagkasibog sa engkuwentro nilang Ancajas ug Ioka.
“Team Ancajas was looking forward to this historic fight against Ioka but understands there are bigger concerns than boxing in Japan and the world with the situation caused by the emergence of the latest variant,” matud pa sa presidente sa MP Promotions nga si Sean Gibbons.
“We remain committed to making this fight happen as soon as possible in Japan,” dugang pa niya.
Si Ancajas, ang IBF super flyweight champion, nagkupot og 33-1-2 record uban ang 22KOs samtang si Ioka, ang WBO champion sa 115-pound division, nagtangag og 27-2 nga baraha uban ang 15KOs.
- Latest
