Damgo ni Lucas natuman

CEBU, Philippines – Natuman gyud ang pangandoy sa kampo ni Argentinian world champion Lucas Matthysse gumikan kay   makasangka na nila ang kanhi eight division world champion nga si Manny Pacquiao sa Hulyo 15 didto sa Malaysia.

Ang manager ni Matthysse nga si Mario Arano miingon nga dugay na nilang gihagit si Pacquiao, apan wala gyud sila kakuha og kahigayonan. Miingon siya nga mipadangat sila og tanyag sa kampo sa Pinoy boxing icon tulo ka tuig ang milabay aron himuon silang challenger alang sa WBO welterweight title ni Pacquiao, apan wala sila tagda.

Hinuon, daw mihimo og paagi ang kapalaran alang ni Matthysse tungod kay human niya malangkat ang WBA title niadtong miaging tuig, si Pacquiao na mismo ang mihagit kanila.