Kontrata ni Pacquiao sa Top Rank paso na

MANILA, Philippines – Wala namang obligasyon si eight-division champion Manny Pacquiao sa Top Rank Inc. ni Bob Arum, ayon sa abogado ng Pinoy boxer.

Sa ulat ng media officer ni Pacquiao na si Aquiles Zonio sa Philboxing.com, nitong nakaraang taon pa napaso ang kontrata.

Sinabi ng abogado ni Pacquiao na si Eldibrando Viernesto, ang laban kay Jeff Horn ang huling nakalatag sa kontrata.

“I reviewed the contract and I found out that Bob Arum has no more say even in the rematch, should there be any, between Manny Pacquiao and Australian boxer Jeff Horn,” paliwanag ni Viernesto sa ulat ni Zonio.

Sa Hunyo ay nakatakdang lumaban si Pacquiao sa Malaysia kontra kay WBA welterweight Lucas Matthysse sa ilalim ng MP Promotions at Golden Boy Promotions ni Oscar dela Hoya.

Iginiit ni Arum na dapat kasama ang Top Rank sa pagsasaayos ng laban sa Hunyo 24 sa Kuala Lumpur dahil hawak pa rin niya si Pacquiao.

Hulyo 2017 pa nang huling sumabak sa gitna ng ring si Pacquiao kung saan naagaw ni Horn ang kaniyang titulo.