41 residente, tumanggap ng titulo ng lupa mula sa Quezon City LGU
MANILA, Philippines — Personal na iniabot ni Quezon City Mayor Joy Belmonte ang titulo ng lupa sa kinatitirikan ng bahay ng may 41 mga residente sa lungsod.
Ang hakbang ay bahagi ng programang palupa ng QC government .
Ang pamamahagi ng titulo ng lupa ni Mayor Belmonte sa 41 mga residente ay bilang mandato na mabigyan ng kasiguraduhan ang pabahay sa lungsod.
Ang inisiyatibong ito ay bahagi ng programang ‘Direct Sale’ sa ilalim ng Socialized Housing Projects ng QC na naglalayong mabigyan ng maayos at abot-kayang pabahay ang mga nangangailangan.
Ang ‘Direct Sale’ ay magsisilbing paraan upang maging lehitimong may-ari ng lupa ang mga residente na matagal nang naninirahan sa lote sa kundisyong mabayaran ang halaga o katumbas na presyo ng lupa alinsunod sa terms of payment ng QC.
- Latest
