Provincial buses, papayagan sa EDSA sa Semana Santa
MANILA, Philippines — Papayagang dumaan sa kahabaan ng EDSA ang lahat ng mga provincial bus sa panahon ng Semana Santa, ayon sa Metropolitan Manila Development Authority (MMDA) nitong Biyernes.
Sa advisory ng MMDA, mula Abril 3 hanggang 5, ang mga panlalawigang bus ay papayagan sa EDSA mula alas-10 ng gabi hanggang alas-5 ng madaling araw; at mula April 6 hanggang 10 ay round-a-clock na silang makakadaan.
Ito umano ay upang ma-accommodate ang inaasahang pagdagsa ng mga pasaherong pupunta sa mga probinsya para sa pagdiriwang ng Semana Santa.
Ang mga Northern Luzon route ay magtatapos ang biyahe sa mga terminal sa Cubao, Quezon City, habang ang manggagaling naman sa Southern Luzon ay sa terminal ng bus naman sa Pasay City.
Ito ay upang bigyang-daan ang mga provincial bus na ma-accommodate ang inaasahang mataas na bilang ng mga pasaherong pupunta sa probinsya para sa panahon ng Kuwaresma at matiyak ang kaginhawahan at komportableng kondisyon ng mga commuter.
- Latest
