Oil price hike, muling nakaamba

MANILA, Philippines — Muling magpapatupad ng higit sa P1 dagdag sa presyo sa kada litro ng diesel at kerosene ang mga kompanya ng langis sa susunod na linggo.

Ayon sa ilang oil industry players, ang diesel at kerosene ang magkakaroon ng pinakamalaking pagtaas, na tinatayang aabot sa mula P1.20 hanggang P1.50 kada litro.

Samantala, inaasahang madaragdagan din ang presyo ng gasolina, ngunit mula P0.10 hanggang P0.40 lamang ito kada litro.

Anang mga industry experts, isa sa dahilan ng naturang posibleng pagtaas ay ang pagtaas ng oil demand sa China dahil sa pagrerekober ng ekonomiya doon. -Angie dela Cruz