Bodega sa Muntinlupa, nasunog: P20 milyong halaga ng ari-arian natupok
MANILA, Philippines — Tinatayang aabot sa P20 milyon ang halaga ng mga ari-arian na napinsala sa nang masunog ang isang bodega sa Muntinlupa City, Linggo ng hapon.
Dakong alas-3:21 ng hapon ng kamakalawa nang maganap ang sunog sa storage facility na matatagpuan sa Maligaya Street, Tepaurel Compound sa Barangay Putatan, Muntinlupa.
Sinabi ni Mayor Ruffy Biazon na ang pasilidad ay pagmamay-ari ng Francois Lesage, isang non-government organization na katuwang ng pamahalaan ng Muntinlupa City sa pag-convert ng mga plastic residual wastes sa sustainable construction materials.
Naapula ang apoy dakong alas-4:36 ng hapon, na wala namang naiulat na nasaktan o nasugatan.
Inaalam pa ang sanhi ng sunog.
- Latest