Katekesis No. 49

Ang Euthanasia

Ang  pulong Euthanasia gikan sa Griyegong Pulong Eu ug Thanatos nga nagpasabot og maayong kamatayon kun good death.

Ang tumong niini mao man ang paghatag og walay sakit nga kamatayon alang kanila nga nag-antos sa mga sakit nga dili na gyud maayo bisan kun unsaon.

Mao nga dunay mga tambalanan nga mopahigayon og mercy killing alang kanila nga nag-antos.

Apan ang pangutana mao: “Husto ba kini o dili?” ang tubag dili tungod kay bisan pa man kun ang tawo nag-antos sa tumang kasakit kita nag-atiman kaniya o kanila ang maisip man nga walay katungod sa paghunos sa ilang kinabuhi.

Supak gihapon kini sa pagtulon-an sa Ikalimang Sugo nga ginadili ang pagpatay.

Ang mahimo nato mao nga atong ma apply ang principle of letting die. Kun ang pagtugot sa himatyon nga mamatay na lang labina kun wala na gyud alibyo ang iyang kahimtang.

Apan wala kini magpasabot nga dili siya pagaubanan o pagagiyahan. nagpasabot kini nga ihatag kaniya ang lawasnon, sikolohikal ug espirituhanong pag-atiman. Kini aron sa ingon mamahimo siyang andam ug tagana sa pagdawat sa kamatayon ingon nga proseso sa kinabuhi sa tawo.

Atong hagit nga:

1. Panggaon ang mga nagmasakiton ug himalatyon

2. atong iampo ang tnang mga medical practitioners aron sa ingon imbis gamiton ang shortcut sa paghupay sa kasakit hinunoa, himoon nila ang usa ka Kristohanong pag-abag sa mga himalatyon ug pagdasig kanila nga ang paghunos sa kinabuhi ingon nga pag-eskapo sa kasakitan dili tubag.

3. The End does not justify the means. Busa dili gihapon kini makiangayon.