COVID-19 positivity rate sa NCR, lalo pang sumipa - OCTA
MANILA, Philippines — Tumaas pa ang bilang ng mga Pilipino na nagpo-positibo sa COVID-19 sa National Capital Region (NCR) sa nakalipas na linggo, ayon sa OCTA Research group.
Sa pinakahuling datos, nagpakita ang average positivity rate o bilang ng mga nagpositibo sa kabuuang COVID-19 tests sa rehiyon ng pagtaas na 12.9% sa nakaraang linggo hanggang 15.9 % nitong Setyembre 15.
Una nang sinabi ni OCTA fellow Guido David na ang kasalukuyang pagtaas ng positivity rate ay maaring lumagpas ng 17.5 %, ang nakaraang pagtaas ay naiulat noong Agosto 5.
Ani David, ang reproduction number, na nagpapahiwatig ng bilang ng mga tao na maaaring mahawa ng isang positibong indibidwal, ay tumaas din mula 1.03 noong Setyembre 5 hanggang 1.2 noong Setyembre 15.
Batay sa datos, ang daily average ng mga bagong kaso sa NCR ay tumaas mula 746 noong Setyembre 2 hanggang 8, 882 mula Setyembre 9 hanggang 15.
Nauna nang nilinaw ng Department of Health (DOH) na ang naiulat na pagtaas ng mga bagong kaso ay hindi dahil sa bagong patakaran na optional ang pasgsusuot ng face mask sa outdoor settings dahil maaaring tumagal ng isa hanggang dalawang linggo bago masuri ang epekto nito.
- Latest
