Mayor Joy, ginawaran ng ‘Gabriela Silang of the First Order Award ‘
MANILA, Philippines — Ginawaran si Quezon City Mayor Joy Belmonte ng ‘Gabriela Silang of the First Order Award’ at idineklarang “Adopted Daughter” ng Vigan City.
Ang parangal kay Belmonte ay nakasaad sa Resolution No. 51 - 2022 ng City Council ng Vigan.
Batay sa resolusyon, ang hakbang ay bilang pagpapahayag nang pasasalamat sa diwa ng bayanihan at natatanging kontribusyon ng Quezon City Government sa pangunguna ni Mayor Belmonte para sa Vigan.
Nakasaad sa resolusyon ang mabilis na paghahatid ng tulong ng Quezon City sa mga residente ng Vigan City na naapektuhan ng magnitude 7 na lindol kamakailan.
Ang ‘Gabriela Silang of the First Order Award ay parangal na pinagkakaloob sa mga natatanging kababaihan at sa asawa ng pinuno ng estado.
Ang nagdaang recipient nito ay si Ginang Aurora Quezon, asawa ni dating Pangulong Manuel Quezon.
- Latest
