CCTV sa mga paliparan daragdagan vs ‘Pastillas scheme’
MANILA, Philippines — Plano ng Bureau of Immigration (BI) na magkabit ng mas maraming CCTV (closed-circuit television) cameras sa mga airports sa bansa para maiwasan nang maulit ang kontrobersyal na “Pastillas scheme’” na naglagay sa ahensya sa kahihiyan.
Sinabi ni Immigration spokesperson Dana Sandoval, marami nang ginawang pagbabago ang pamunuan ng BI mula nang pumutok ang Pastillas scheme kabilang ang “organizational and systemic problems.”
“Technologies din po ay inimprove po natin. One hundred percent na po ang secondary inspection areas are now covered with CCTVs pati po iyong transparent ready ang ginagamit po doon sa mga areas na iyon para kitang-kita po and highly visible ang mga activities po ng personnel,” ayon kay Sandoval.
“Sa atin pong procedures, nandiyan pa rin po iyong strict departure formalities following po iyong Department of Justice guidelines on implementing departure formalities,” dagdag ng opisyal.
Ang intelligence unit ay inilipat na sa Intelligence Division na magsisilbing ikatlong mata ng ahensya para sa checks and balances.
Dahil sa Pastillas scheme, maraming mga dayuhan partikular ang mga Chinese nationals ang nakapasok sa bansa kahit walang dokumento sa pamamagitan ng paglalagay sa mga opisyal at tauhan ng immigration.
- Latest
