Naiwang bag sa loob ng jeep, nagdulot ng matinding takot
MANILA, Philippines — Nagdulot ng matinding takot ang isang kahina-hinalang bag na naiwan ng isang pasahero sa loob ng dyip sa Malate, Maynila, kamakalawa ng gabi.
Bago mag-alas 10:00 ng gabi nang mapansin ang isang bag ng mga pasahero ng dyip na inabandona sa bahagi ng Mabini Street, sa Malate ay agad ipinaalam sa mga tauhan ng Manila Police District-Station 9, sa pangambang may laman itong bomba.
Agad namang ikinordon ang nasabing dyip para mabusisi ang bag na natuklasang naglalaman lang pala ng mga gamit sa manok na pangsabong tulad ng tari.
Ayon kay P/Lt. Colonel Rodel Borbe, isang lalaki ang bumaba sa bahagi ng Pedro Gil St. na may dalang manok at maaaring naiwan ang dalang bag na hindi sinasadya.
- Latest