MMDA todo-suporta sa ‘Sabay SaVaxx Kontra COVID-19”
MANILA, Philippines — Idineklara ng Metropolitan Manila Development Authority (MMDA), kasama ang iba pang ahensya ng gobyerno at local government units (LGUs), ang buong suporta nito para sa kampanyang “Sabay SaVaxx Kontra COVID” ng Department of Health, na nagsimula nitong Huwebes (Mayo 26) sa Mandaluyong City para sa 2nd booster shots sa mga healthcare workers at senior citizens.
“This second booster for our healthcare workers and senior citizens will provide added protection to the first and primary doses. It will fortify defense of our health workers and seniors who belong to the vulnerable sectors,” ani Artes.
Kabilang sa aksyon ng MMDA ang pagpapakalat ng mobile vaccination team, sa pakikipagtulungan sa iba’t ibang LGU at pribadong sektor upang mailapit ang mga bakuna sa publiko.
“With our continued collaboration with various sectors, we are hopeful that we would reach the endemic stage of this virus,” ani Artes sa isinagawang Resbakuna Ceremonial Vaccination para sa 2nd booster dose ng COVID-19 vaccine sa SM Megamall kahapon.
Bilang bahagi ng mga hakbangin ng MMDA, naglunsad ang ahensya ng mga mobile vaccination drive sa mga pangunahing lugar kung saan madalas puntahan ng publiko, tulad ng shopping malls at transport terminals.
Ang ahensya ay naglunsad din ng sarili nitong “Resbakuna Kids” drive upang makatulong na dagdagan ang kaukulang pediatric vaccination campaign ng Metro Manila.
- Latest
