Bigtime rollback sa presyo ng diesel, asahan
MANILA, Philippines — Magpapatupad ng malaking pagbaba sa presyo ng diesel at bahagyang bawas sa presyo ng gasolina sa bansa sa susunod na linggo.
Ito ay makaraang ianunsyo ng Unioil Philippines na magbababa sila ng presyo ng diesel ng may P2.90 hanggang P3.00 kada litro samantalang magbaba sila ng presyo ng gasolina ng may P0.40 hanggang P0.60 kada litro.
Noong nagdaang linggo ay nagtaas ang mga kompanya ng gasolina ng may P4.20 kada litro samantalang sa halaga ng diesel ay nagtaas ng P4.20 kada litro at P5.85 kada litro sa kerosene.
Dahil dito, nagkaroon ng adjustment ang presyo ng gasolina na may P22 kada litro, diesel ay nasa P34.50 kada litro at ang kerosene ay P29.75 kada litro mula nang pumasok ang Enero ngayong taon.
Nagtaas ang halaga ng petroleum products noong nagdaang mga araw dulot ng pag -iral ng COVID-19 lockdowns sa China na top oil exporter, gayundin ang mataas na demand sa mga produktong petrolyo.
- Latest
