105 katao sa Metro Manila, huli sa liquor ban - NCRPO
MANILA, Philippines — Umaabot sa 105 katao ang nadakip sa Metro Manila kaugnay ng paglabag ng mga ito sa liquor ban bago at sa mismong araw ng halalan noong Mayo 9.
Ayon sa ulat ng National Capital Region Police Office (NCRPO), ang mga nahuli ay lumabag sa liquor ban na naipatupad sa Metro Manila mula Mayo 8 ng madaling araw hanggang sa hatinggabi ng Mayo 9, araw ng halalan sa bansa.
Ang mga ito ay nakasuhan na kaugnay ng paglabag sa naturang kautusan.
Iniulat din ng NCRPO na payapa at wala namang anumang election-related violent incident ang naganap sa Metro Manila sa panahon ng halalan.— Ludy Bermudo
- Latest