Liwasang Aurora sa Quezon City Circle, ‘di magagamit sa ‘Thanksgiving activity ‘ni VP Robredo
MANILA, Philippines — Hindi pinayagan ng lokal na pamahalaan ng Quezon City na gamitin ang Liwasang Aurora sa Quezon Memorial Circle para gawing venue ng ‘Thanksgiving’ activity ni Vice President Leni Robredo.
Ayon sa Quezon City Department of Public Order (QCDPO), kinausap nila ang organizer ng “Tayo ang Liwanag; Isang Pasasalamat” at ipinaliwanag na hindi maaring gamitin ang QMC.
Paliwanag ng QCDPO, dahil marami ang lalahok sa aktibidad, tiyak na magdudulot lamang ito ng matinding trapik lalo’t weekday gagawin ang naturang aktibidad.
Target ng organizer na gawin ang ‘Thanksgiving’, ngayong Biyernes, Mayo 13. Bukod sa trapik, magdudulot din ito ng pagka-stranded ng mga pasahero.
Sa halip na sa QMC, sa Ateneo de Manila University sa Loyola Heights, Quezon City na lamang gagawin ang pagpapasalamat. Ayon sa QCDPO, naunawaan naman ng organizer ang desisyon ng lokal na pamahalaan.
- Latest