Kelot na wanted sa 13 counts ng rape, timbog
MANILA, Philippines — Arestado ng Manila Police District (MPD) ang top 4 most wanted sa lungsod dahil sa 13 bilang ng kasong rape sa Tondo, Maynila, kamakalawa ng hapon.
Kinilala ni MPD Station 2 commander, P/ Lt.Colonel Harry Ruiz Lorenzo lll, ang nadakip na si Sonny Tamayo Delos Santos, residente ng Tondo.
Si Delos Santos ay kinasuhan ng 13 counts ng rape noong nakalipas na taon matapos matuklasan ng kaniyang live-in partner na makailang-ulit na ginahasa ang kaniyang anak na babae simula pa nang ito ay 12-taong gulang.
Bunga ng impormasyong natanggap ng pulisya, agad isinilbi ang warrant of arrest arrest na inisyu ni Judge Jacqueline S. Martin- Balictar, Presiding Judge ng Manila Regional Trial Court Branch 9 na may petsang Marso 28, 2022, laban kay Delos Santos habang ito ay nasa loob ng Moriones Sports Association Club (MORSAC) sa Moriones St., Tondo.
Walang inirekomendang piyansa ang korte para sa pansamantalang kalayaan ni Delos Santos.
- Latest
