Bawas singil sa tubig ipatutupad sa Marso 21 – MWSS

MANILA, Philippines — Simula sa darating na  Marso 21 ay may bawas singil sa tubig sa Metro Manila at karatig lalawigan na seneserbisyuhan ng Maynilad Water at Manila Water.

Ito ang inanunsyo kahapon ng pamunuan ng  Metropolitan Waterworks and Sewarage System (MWSS) Regulatory Office matapos mabigyan ng legislative franchise ang dalawang water concessionaire.

Ayon kay MWSS Chief Re­gulator Patrick Ty ang bawas-singil ay bunsod ng pag-alis ng 12 percent ng ­value-added tax  (VAT) sa mga water concessionaire na papalitan ng mas maliit na  percentage tax.

Ang Maynilad  Water ang nagsusuplay ng tubig sa  west zone ng Metro Manila at Ca­vite, habang Manila Water naman  ang nagsusuplay  ng tubig sa sa east zone at Rizal province.