Magsuot ng helmet, paalala ni Mayor Belmonte sa mga cyclist
MANILA, Philippines — Isa si Quezon City Mayor Joy Belmonte sa mga biker na hinuli at tinikitan ng Department of Public Order and Safety dahil sa hindi pagsusuot ng helmet habang nagbibisikleta sa isinagawang Cycle to End Violence Against Women bike event.
Bukod kay Belmonte, hinuli rin si Cherie Atilano ng UN Food System Champions na wala ring suot na helmet sa event.
Kapwa pinagmulta sina Belmonte at Atilano ng P300 dahil sa paglabag sa City Ordinance 2942-2021.
Ayon kay Mayor Belmonte, isa sa participants ng Cycle for VAW bike event ang walang helmet kaya nagdesisyon siya na ibigay ang kanyang protective gear sa kanyang fellow biker.
“I commend our DPOS for strictly implementing our ordinance kasi wala silang sini-sino kapag nagpapatupad ng batas,” pahayag pa ng alkalde.
Nagpaalala rin ito sa mga bikers na magsuot ng helmet at sumunod sa mga patakaran para na rin sa kanilang kaligtasan.
Ang aktibidad ay magkakasamang nailunsad ng QC LGU kasama ang Embassies ng Netherlands at Austria, Philippine Commission on Women, Spark Philippines, at mga non-government organizations bilang paggunita sa 18-day campaign na mawakasan ang karahasan sa mga kababaihan at pagdiriwang sa ikatlong taong anibersaryo ng #RespetoNaman Movement.
Ang mga participants ay nagbisikleta sa bike lanes ng QC Hall, Elliptical road hangganh Agham Road at pabalik.
“Through this event, we hope to spread awareness among the general public about the importance of protecting the rights of women and girls by addressing all forms of gender-based violence,” dagdag ni Mayor Belmonte .
Ang QC ay isa sa kinikilalang champions sa pangangalaga sa gender rights sa bansa.
Ang aktibidad ay bahagi rin ng pagdiriwang ng QC sa National Bike Day noong November 18, 2022.
Kasama rin sa okasyon sina Vice Mayor Gian Sotto, Ambassador of the Kingdom of Netherlands to the Philippines Saskia De Lang, Ambassador of Austria to the Philippines Bita Rasoulian, Philippine Commission on Women Chairperson Sandra Montano, Bikers United Co-Founder Ann Angala, Kabataan Partylist Representative Sarah Elago, Councilors Irene Belmonte, Ivy Lagman, Peachy De Leon, at Mayen Juico, mga city department heads at iba pang opisyales ng lokal na pamahalaan
Pinaalala rin ng city government sa lahat ng bikers at motorista na sundin ang rules at health protocols para matiyak ang kalusugan.
- Latest
