Number coding posible nang pairalin

MANILA, Philippines — Plano na ng Metropolitan Manila Development Authority (MMDA) na pairalin muli ang number ­coding scheme sa National Capital Region (NCR) bago magtapos ang buwang ito o pagpasok ng Disyembre dahil sa patuloy na pagbigat ng daloy ng trapiko .

Sinabi ito ni MMDA Director Noemie Recio na nakabinbin pa naman ang plano  at wala pang pinal na desisyon dahil hinihintay pa ang pag-apruba rito  ng Metro Manila Council (MMC).

“The pre-pandemic volume is 405,000. We are expecting by this Christmas season, it will be nearing 405,000 or over 405,000 a day,” aniya.

Gayunman, may tatlong opsyon na nakahain sa pagpapatupad ng number coding na tatalakayin at pag-aaralan pa sa susunod na pagpupulong ng 17 Metro mayors.

Una rito ang  pagsisimula ng alas-7:00 ng umaga hanggang alas-9:00 ng umaga; ikalawa ay simula alas-5:00 ng hapon hanggang alas-7:00 ng gabi lamang; at ikatlo ay ang buong araw simula alas-7:00 ng umaga hanggang alas-8:00 ng gabi.

Aniya, araw-araw ay tu7mataas ang volume ng mga sasakyan at hindi na bumababa na halos kapareho na noong ‘di pa nagkakaroon ng pandemic.

Una nang sinabi ni Abalos kamakailan na posibleng ibalik ang number coding system kung patuloy pa rin ang pagbigat ng daloy ng trapiko.