Metro Manila mayors ipinaubaya sa IATF ang guidelines sa pagpasok ng minors sa malls
MANILA, Philippines — ‘Status quo’ o mananatili pa rin ang isinasaad na panuntunan sa ilalim ng Alert Level 2 kung saan pwedeng pumasok ang mga menor-de-edad sa malls sa National Capital Region (NCR).
Ito ay dahil sa walang nabuong desisyon ang Metro Manila Council (MMC) sa isinagawa nilang pagpupulong noong Huwebes ng gabi.
Sa halip, ibinalik ng may 17 Metro Manila mayors sa Inter-Agency Task Force for the Management of Emerging Infectious Diseases ang pagbuo ng guidelines sa mobility restrictions ng mga batang nasa edad-12 pababa.
Ipinaliwanag kahapon ni Metropolitan Manila Development Authority (MMDA) chairman Benhur Abalos na ang aksyon ay ginawa ng mga alkalde para hindi muna magkaroon ng kalituhan habang pinag-uusapan pa ang isyu.
Masyado umanong sensitibo ang usapin at mas karapat-dapat na ang IATF ang magpasiya dahil kinakailangan ang masusing pag-aaral ukol dito at mga pahayag ng mga eksperto.
- Latest