Crime lab office ng MPD, nasunog
MANILA, Philippines — Bahagyang natupok ang ilang bahagi ng Crime Laboratory Office ng Manila Police District (MPD) sa sunog na tumama sa presinto nitong Huwebes ng umaga.
Sa ulat ng Bureau of Fire Protection-Manila, dakong alas-9:45 nang unang sumiklab ang apoy sa MPD-Crime Laboratory Office na nasa UN Avenue, Ermita, ng naturang lungsod.
Alas-10:15 na ng umaga nang tuluyang maapula ng mga rumespondeng mga bumbero ang apoy. Walang naiulat na nasaktan sa insidente.
Nagsasagawa naman ng imbentaryo ang MPD kung ano ang mga ebidensya na nakaimbak sa tanggapan ang nahagip ng apoy.
Inaalam na rin ng mga arson investigator kung saan at ano ang sanhi ng sunog.
- Latest