Barangay kagawad, itinumba sa Pasig
MANILA, Philippines — Patay sa pamamaril ang isang kagawad ng Barangay Rosario, Pasig City nitong Huwebes ng hapon.
Kinilala ang biktimang si Niki Cruz, na sinasabing nakaupo lamang umano habang nakikipag-usap sa ilang mga residente nang biglang lapitan ng suspek at barilin sa ulo.
Ayon sa isang kaibigan ng biktima na maaaring may kinalaman sa kampanya ni Cruz laban sa iligal na droga ang motibo sa krimen.
Anya, nakatanggap umano ng mga banta sa kanyang buhay si Cruz bago ang insidente.
Patuloy nang iniimbesigahan ng pulisya ang naganap na pamamaslang.
- Latest