105 influencers nagparehistro sa BIR bilang taxpayers

MANILA, Philippines — Nasa 105 social media influencers at content creators  ang nagparehistro na sa Bureau of Internal Revenue (BIR) bilang mga taxpayers na handang magbayad ng kaukulang buwis mula sa kanilang kita sa vlogging.

Ang hakbang ay bilang pagtugon na rin ng naturang mga influencers  sa panawagan ng BIR sa kanilang hanay na magsipagbayad ng buwis mula sa kinikitang milyon sa kanilang vlogs.

Hindi naman pinangalanan ng BIR ang mga nagparehistrong influencers para sa confidentiality ng kanilang tax records.

Hindi rin nagbigay ng impormasyon ang BIR hinggil sa kung magkano   ang nakokolektang buwis  sa bawat social media influencers.

Una nang inanunsyo ng BIR na hindi ligtas sa pagbabayad ng buwis ang mga social media influencers  kung saan may  250 influencers ang sinasabing kumikita ng milyong halaga ng salapi  at freebies  mula sa kanilang vlogs at social media posts.