Lider ng drug group, nalambat
MANILA, Philippines — Nalambat ng mga tauhan ng Pateros Police Station ang sinasabing lider ng notoryus na ‘Roland Sanchez Drug’ group sa isinagawang buy-bust operation sa Brgy. Sta. Ana, Pateros, Martes ng gabi.
Sinabi ni Southern Police District (SPD) Director P/Brrig. General Jimili Macaraeg na malaking bagay na nadakip ang gang leader na si Roland Castillo Sanchez, alyas Olan, 46-anyos.
Sa ulat, dakong alas-9:40 ng gabi ng Martes nang maaresto si Sanchez ng mga tauhan ng Pateros Drug Enforcement Unit sa E. Ragas Street, Brgy. Sta. Ana, Pateros, Metro Manila.
Narekober mula sa suspek ang apat na plastic sachet ng shabu na may timbang na 16 na gramo na may street value na P108,000.00 isang P1,000 marked money, at kalibre .38 baril na walang serial number na kargado ng 3 bala.
Ipinagharap si Sanchez ng mga kasong paglabag sa Sections 5 at 11 ng Art. II ng Republic Act 9165 at R.A 10591 (Comprehensive Firearms and Ammunition Regulation Act.)
- Latest
