Kababaihang entrepreneur balik-hanapbuhay sa Malabon
MANILA, Philippines — Maipagpapatuloy ng mga kababaihang entrepreneur ang kanilang hanapbuhay matapos na magbigay ng skills training at tulong ang Malabon LGU bagama’t nasa ilalim ng General Community Quarantine (GCQ) with alert levels.
Ayon kay Councilor Jose Lorenzo Oreta “Enzo” Oreta na tumatayong Chairperson of the Committee on Labor, Trade, and Industry at Chairperson din ng Committee on Women, Family, and PWD, sa pamamagitan ng GILAS Training, balik hanap-buhay na ang mga kababaihang medium and small medium enterprise MSME owner sa gitna ng pandemya.
Kailangan aniya na matiyak na may hanapbuhay at pangkabuhayan ang kanilang mga mamamayan.
“Napakalaki ng ambag ng mga women entrepreneurs sa patuloy na pag-asenso ng ating lungsod kaya ngayong humaharap sila sa mga pagsubok ay nandito tayo upang suportahan silang ituloy at makabangong muli sa kanilang mga buhay,” ani Oreta.
Malaki naman ang pasasalamat ng mga kababaihang entrepreneur sa nasabing programa at sa Malabon LGU dahil hindi sila nakalimutan ng mga ito sa gitna ng banta ng pandemya.
- Latest