57 lugar sa NCR isinailalim sa granular lockdown
MANILA, Philippines — Nasa ilalim ng gra-nular lockdowns ang 57 lugar sa National Capital Region (NCR).
Ayon ito kay DILG Undersecretary Jonathan Malaya, batay sa naiulat sa tanggapan ng NCR Police Office isang araw matapos maisailalim sa alert status 4 ang Metro Manila.
Hindi naman tinu-koy ni Malaya ang mga lugar sa NCR na nasa granular lockdown.
Niliwanag din nito na ang bawat LGUs na sa NCR ang bahalang magpatupad ng kaukulang warning at sistema kung ano ang gagawin sa kanilang lokalidad hinggil dito.
“We will leave it now to the discretion of the local government units kung sila ba ay biglang magla-lockdown lamang o magbibigay sila ng advanced warning,” dagdag ni Malaya.
Niliwanag nito na ang mga lugar na nasa ilalim ng granular lockdown ay nasa kritikal na kundisyon hinggil sa aktibong hawaan ng COVID-19.
Anya maganda naman ang naging resulta sa unang araw nang pagpapatupad ng Alert level 4 sa Metro Manila.
- Latest