Metro Manila mayors nagkasundo sa ‘unified vaccination certificate’
MANILA, Philippines — Inaprubahan ng Metro Manila Council (MMC) ang paggamit ng isang ‘unified vaccination certificate’ para sa mga residente na ‘fully-vaccina-ted’ na laban sa CO-VID-19.
Sinabi ni Parañaque City Mayor Edwin Olivarez, chairman ng MMC, na sumang-ayon lahat ng alkalde ng National Capital Region (NCR) sa pagkakaroon ng iisang ‘vaccination certificate’.
Nag-uumpisa na umano ang mga Information Technology (IT) officers ng mga siyudad na mag-download ng mga impormasyon at lista-han ng mga residente nilang kumpleto na ang bakuna at ipadala sa Department of Information and Communication Techno-logy (DICT) para sa pagpapalabas ng unified vaccination certificate.
“All LGUs have service providers that are now downloading the information to the DICT to consolidate the data,” ayon kay Olivarez.
Target ng mga alkalde na matapos ang pag-download ng mga impormasyon at maipasa na ito sa DICT ngayong buwan.
Partikular na importante ang vaccination certificate sa mga residente na bibiyahe patungo sa ibang bansa na ginagawang requirements ang patunay na nabakunahan na sila bago payagang makapasok sa kanilang teritoryo.
- Latest
