Dayuhan na tumakbong hubo’t hubad sa MRT, ipade-deport

MANILA, Philippines — Ipade-deport  ng Bureau of Immigration (BI) ang isang dayuhan na nagtatakbo ng hubo’t hubad sa Metro Rail Transit 3-Bonifacio Ave­nue sa Manda­luyong City nitong Huwebes ng madaling araw.

Bagama’t hindi pa kinilala, sinabi ni BI Commissioner Jaime Mo-rente na magsasagawa sila ng imbestigasyon upang mabatid ang status ng pamamalagi sa Pilipinas ng naturang dayuhan.

“At around 5:35 AM, at MRT-3 Boni Ave. Station, a foreign male passenger, while being checked by security per­sonnel, suddenly removed his clothes, then ran and jumped to-wards the tracks heading Shaw Boulevard station,” ayon sa paha­yag ni MRT-3 OIC General Manager and Transportation Assistant Secretary Eymard Eje.

Sinabi ni Morente na kung matatagpuan na iligal na nananatili sa bansa ay agad nilang isasailalim siya sa ‘deportation proceedings’.

“We have received initial information about him already from the arresting agency,” ayon kay Morente. “We will check his immigration status in the country, if he is legally staying here,” dagdag niya.

Agad namang na­a­­­resto ng mga tauhan ng MRT ang naturang dayuhan at naisuko sa Mandaluyong City Police. Ngunit nag-vi­ral naman ang video footage ng insidente sa social media.

Sinabi ni Morente na mauumpisahan ang deportation sa dayuhan sa oras na maresolba na ang kasong isinampa sa kanya.