4 na Delta variant case naitala ng Malabon LGU
MANILA, Philippines — Apat na kaso na ng Delta variant case ang naitala ng Malabon LGU.
Ito ang inihayag ni Malabon City Public Information Office chief Bong Padua kung saan dalawa pa ang naka-quarantine at sumasailalim sa gamutan, habang ang dalawa pa ay gumaling na.
Ayon kay Padua, tuluy tuloy ang monitoring at swab testing sa mga nakakaramdam ng sintomas ng COVID-19
Matatandaang noong nakaraang Miyerkules, inanunsyo ni Malabon City Mayor Lenlen Oreta na nakapagtala ang lungsod ng unang Delta variant case.
Sa ngayon ay pinaigting na ng Malabon LGU ang isinasagawang contact tracing, isolation.
Tuloy-tuloy rin ang ginagawang pagbabakuna ng COVID-19 vaccines sa anim na vaccination site.
Sa pinakahuling tala ng Malabon City Health Department, umabot na sa 461 ang bilang ng aktibong kaso ng CoViD-19 sa lungsod.
- Latest
