Pari na ‘fully vaccinated’ nasawi sa COVID-19 sa Caloocan
MANILA, Philippines — Pansamantalang naka-lockdown ang San Roque Cathedral sa Caloocan City matapos na mamatay ang isang 58-anyos na guest priest na nabakunahan na laban sa COVID-19 matapos tamaan ng virus kamakalawa ng umaga.
Ayon kay Catholic Bishops’ Conference of the Philippines president-elect at Diocese of Kalookan Bishop Pablo Virgilio David, nagpositibo sa isinagawang post-mortem swab testing si Fr. Manuel Jadraque Jr. (“Fr. Mawe”), Mission Society of the Philippines.
“We regret to inform you that the Caloocan City Government’s Covid Command Center has ordered the temporary lockdown of the San Roque Cathedral starting tomorrow, Sunday, July 25, which is supposed to be our celebration of the World Day for Grandparents and the Elderly People,” ani David.
Sinabi ni David na galing sa Monumento si Fr. Mawe at sumakay ng tricycle patungong cathedral noong Sabado ng umaga.
Kapansin-pansin na matamlay at hindi masyadong makapagsalita ang nasabing pari kaya agad nilang dinala sa ospital subalit idineklarang dead-on-arrival.
Hiniling ng CBCP na isailalim si Fr. Mawe sa genome testing upang malaman kung anong coronavirus variant ang naka-infect sa kanya.— Ludy Bermudo
- Latest