P373K shabu nasamsam: 4 tiklo
MANILA, Philippines — Arestado ang apat na indibiduwal sa isinagawang buy-bust operation ng Makati City Police kung saan nasamsam ang nasa 55 gramo ng ilegal na droga na nagkakahalaga ng P373,000.00, kamakalawa ng gabi.
Sa ulat na ipinadala ni P/Colonel Harold Depositar kay Southern police District (SPD) chief, P/Brig. Generawl Jimili Macaraeg, ang mga suspek ay kinilalang sina Angelito Camanero, alyas Isko, 46, Erwin Rita, 41; Robin Corcuera, 30 ; at Ren Ren Lazaro, 41.
Dakong alas-11:45 ng gabi ng Hulyo 23 nang ikasa ang operasyon na nagresulta sa pag-aresto ng Station Drug Enforcement Unit at Station Intelligence Section sa apat matapos makabili ng shabu ang poseur-buyer sa D. Gomez Street, Barangay Tejeros, Makati City.
Isinailalim na sa inquest proceeding sa Makati Prosecutor’s Office sa reklamong paglabag sa Republic Act 9165 o Comprehensive Dangerous Drugs Act of 2002.
- Latest
