Population protection sa NCR posible sa Setyembre – OCTA

MANILA, Philippines — Posibleng makopo ng National Capital Region (NCR) ang population protection sa Setyembre kung ipagpapatuloy ng pamahalaan ang pagprayoridad  sa  NCR Plus 8 areas  sa  COVID-19 vaccination program.

Ito ang pahayag ni Professor Ranjit Rye ng  OCTA Research team kaugnay ng programa sa pagbabakuna ng pamahalaan sa NCR.

“Kung tutuloy-tuloy itong NCR Plus 8, ang projection namin is by September, October maaabot na natin ‘yung sinasabi nating population protection dito sa National Capital Region, NCR Plus,” sabi ni  Rye.

Una nang  giniit ng OCTA sa pamahalaan na ipagpatuloy ang pagprayoridad sa NCR Plus 8  sa pamamahagi ng COVID-19 vaccines bagamat limitado ngayon ang suplay

Ang NCR Plus 8 ay kabibilangan ng Metro Manila, Bulacan, Rizal, Cavite, Laguna, Pampanga, Metro Cebu, at Metro Davao .