‘Bakuna Nights’ sa Quezon City, dinadagsa
MANILA, Philippines — Mahigit sa 1,000 mga essential workers at mga residenteng walang time sa araw ang nabakunahan hanggang kamakalawa ng gabi sa lungsod Quezon.
Ang programa na tinawag na ‘Bakuna Nights’ ay sinimulan kamakalawa ng gabi at magtatagal hanggang Sabado ng gabi ay para sa mga manggagawa na walang oras magpabakuna sa araw.
Ayon kay Mayor Joy Belmonte, dahil maraming nagpapabakuna sa gabi, itutuloy na nila ito upang mas marami pang maturukan sa lugsod.
Anya kung makikitang higit na mas marami ang magpapabakuna sa gabi, ieextend nila ito ng ilan pang mga araw.
Ilan sa mga night shift workers na nabakunahan gabi ng Miyerkules ay mga empleyado ng bangko, mga guro, mga empleyado ng fastfood chain at iba pang mga empleyado na panggabi ang trabaho.
Ang kanilang mga kom-panya ang nagpaparehistro sa QC health Department Task force Vaxx to Normal kaya’t agad silang nairere-histro bago ang pagbabakuna sa kanila.
Una rito, may 21,385 doses ng bakuna kontra COVID-19 virus ang naiturok kahapon ng Quezon City Health Department sa mga residente ng Quezon City matapos ang matagumpay na maramihang pagbabakuna sa A1, A2, A3 at A4 priority list sa isang araw lamang.
Pinakamalaking bilang na naturukan kahapon ay ang mga nasa A4 priority list o mga essential workers.
- Latest