No. 6 drug personality, kasabwat arestado sa buy-bust ops sa Quezon City
MANILA, Philippines — Naaresto ng mga awtoridad ang itinuturing na no. 6 station-level drug personality at ang kanyang kasabwat sa isang buy-bust operation sa Brgy. Pasong Tamo, Quezon City, kahapon.
Ayon kay PLt. Col. Jeffrey Bilaro, Station Commander ng Holy Spirit Police Station (PS 14) ng Quezon City Police District (QCPD), ang mga naarestong suspek ay nakilalang sina Gilberto Yumul, 50, ng 9 San Roque Compound, Brgy. Pasong Tamo, Qac; at ang kanyang kasabwat na si Victor Dazal, 46, ng 129 Pingkian II, Brgy. Pasong Tamo, QC.
Nakatanggap ng tip ang mga awtoridad mula sa isang informant hinggil sa ilegal na aktibidad ng mga suspek kaya agad nagkasa ng buy-bust operation ang mga tauhan ng Station Drug Enforcement Unit (SDEU).
Isang undercover cop ang umaktong buyer at ng makabili ng P3,200 shabu mula sa mga suspek ay kaagad inaresto ang mga ito.
Nakumpiska rito ang pitong pakete ng shabu, na tumitimbang ng 13 gramo at may Dangerous Drugs Board (DDB) value na P88,400 at buy-bust money.
Nakapiit na ang mga suspek at nakatakdang sampahan ng mga kasong paglabag sa Republic Act 9165 o The Comprehensive Dangerous Drugs Act of 2002.
- Latest
