Taguig City vaccination-bus, nagsimula na
MANILA, Philippines — Para sa mas mabilis, ligtas at accessible na pagbabakuna sa mga komunidad, sa kauna-unahang pagkakataon ay idineploy ang Taguig City Vaccination Bus sa Pusawan Covered Court, sa Brgy. Ususan.
Sa huling naitala ng Mayo 21, 2 hanggang 3 araw na magbabakuna ang Vaccination Bus sa A1, A2, at A3 categories.
Kaya nitong mag-accomodate ng 200 babakunahan kada araw para makadagdag sa mga prosesong ginagawa ng MegaVaccination Hubs at Community Vaccination Centers sa lungsod.
Isinasagawa ang loob ng bus ang counselling at pagtuturok habang ang registration, screening, at post-vaccination monitoring ay sa labas ng bus.
Samantala, ang appointments ay sa pamamagitan ng Taguig Registry Access and Citizen Engagement (TRACE) at sa TRACE kiosks sa bawat barangay.
Bukod sa Taguig City Vaccination Bus, nakapagtayo na ng siyam na vaccination sites sa lungsod.
Para sa pipili na mabakunahan sa mga sites na ito, may ‘hop-on, hop-off’ o point-to-point bus service na pipik-ap sa mga magpapabakuna na sisimulan sa susunod na linggo.
- Latest
