Nabakunahan sa Quezon City, higit 200K na
MANILA, Philippines — Mahigit na sa dalawang daang libong indibiduwal ang nabigyan ng bakuna laban sa COVID-19 sa Quezon City mula nang magsimula ang vaccination rollout ng pamahalaan.
Sa rekord ng QC Health Department, nasa 152,099 ang tumanggap na ng first dose habang 53,963 ang mayroon ng se-cond dose.
Umaabot naman sa 142 barangay sa lungsod ang nabigyan ng bakuna na nasa A-1 hanggang A-3 priority groups.
Sa kasalukuyan, nadagdagan na rin ang mga vaccination sites sa buong lungsod kung saan ang pinakahuling lugar ay ang Smart Araneta Coliseum sa Cubao.
Bukod dito, naglagay na rin ng vaccination hub ang QC LGU sa mga homeowners para hindi na magtungo sa ibang covered court at health centers ang mga nais magpabakuna.
- Latest