Bagong COVID-19 cases sa Metro Manila kada araw, bumaba ng 56% - OCTA
MANILA, Philippines — May pagbaba na ng 56 percent o may 2,454 ang average na bilang ng bagong COVID-19 cases kada araw sa Metro Manila.
Ayon sa OCTA Reseach Team, ito ay mas mababa kaysa sa nagdaang bulto ng kaso ng nagdaang mga araw. Ang naiulat na pagbaba ay mula April 30 hanggang May 6.
Ayon sa OCTA Research, may patuloy na pagbaba sa bilang ng mga bagong kaso ng virus sa Metro Manila.
Ayon sa grupo, ang dagdag na bilang ng kaso kada araw sa Metro Manila ay kapareho lamang mula March 12 hanggang 18.
“The one-week growth rate in the NCR was -25% from the previous week, compared to 23% and -17% in the weeks prior,” ayon sa OCTA Reseach Group.
Ayon sa grupo, ang reproduction number sa NCR ay bumaba sa 0.70 habang ang reproduction number sa bansa ay 0.86. Ang reproduction number ay bilang ng bagong kaso ng Covid na nahawa sa isang positibo sa virus.
Samantala, ang positivity rate o percentage ng indibidwal na napatunayang positibo sa virus ay may 16 percent mula sa average na 22,941 tests kada araw.
Ang hospital bed occupancy naman sa NCR para sa COVID-19 patients ay bumaba sa 52 percent.
Ang Metro Manila at karatig lalawigan na Bulacan, Laguna, Rizal at Cavite ay nasa ilalim ng modified enhanced community quarantine hanggang May 14.
- Latest
