UP Diliman Gym, ginamit na ring vaccination hub
MANILA, Philippines — Ginamit na rin sa pagbabakuna ang UP Diliman Gym sa Quezon City para sa A2 at A3 priority list kontra Covid-19.
Ayon kay Dr. Alfred Tengonciang, medical specialist ng UP Diliman Campus, anim na araw nang ginagamit ang UP Diliman Gym kung saan binigyan sila ng go signal ng QC LGU para bakunahan ang mga faculty at comorbidity persons.
Sinabi ni Tengonciang, sila na ang humingi ng permiso para sa pagbabakuna upang mabilis na maibigay sa komunidad ng UP.
Umabot sa 1,002 doses ng Sinovac Vaccine ang ibinigay ng QC LGU para bakunahan ang mga senior citizens at comorbidity personnel ng UP.
Sakaling matapos na ang buong UP community ay plano ring buksan ito sa ibang sektor para tulungan ang pamahalaan na mapabilis ang pagbabakuna sa lungsod.
Ayon kay Dr. Tengonciang, limitadong suplay pa lamang ng bakuna ang kanilang natatanggap at kung sakaling may bagong suplay ay handa silang magbakuna sa mga taga-labas ng UP Diliman Campus.
- Latest