2 Chinese, 1 Pinoy huli sa kidnap for ransom
MANILA, Philippines — Nadakip ng pinagsanib na puwersa ng National Capital Region (NCR), Pasay at Parañaque Police ang dalawang Chinese at isang Pinoy kaugnay sa diuma-no’y pagkindap sa isa ring Chinese sa Parañaque City.
Nakilala ang mga nadakip na suspect na sina Zhao, Xin, 24, supervisor ng PITX POGO 4 Sea Ocean Group; Gan Siguo, 24, empleyado ng POGO at isang Yves Ian Panganiban, 28.
Nailigtas naman ang biktimang si Zhou Wen Hua, 30, IT Technician, residente ng Golden Bay Tower Pasay City.
Sa ulat P/Lt. Colonel Melvin Montante kay NCRPO chief P/Major General Vicente Danao Jr., alas-12:00 ng madaling araw ng Abril 27, 2021, nagsuplong ang isang babaeng Malaysian national at kasamahan nito sa trabaho sa Regional Special Operations Group (RSOG) hinggil sa nasaksihang pagkulong sa biktima sa loob ng sasakyan ng tatlong indibiduwal sa Parañaque City kaya agad na umaksyon ang mga awtoridad.
Dakong alas-3:45 ng madaling araw nang puntahan ang inilarawang sasakyan nang biglang may lumabas na isang lalaki at pinaputukan ng baril ang mga operatiba,na gumanti ng putok at iknasugat ng isa sa mga suspect.
Nasamsam sa mga ito ang isang Pietro Beretta Gardone. Isang magazine, 12 bala ng 9mm kalibre baril. Isang balisong, isang Toyota Fortuner, sling bag na naglalaman P920,000.00 na may PNP Markings at Serial Numbers.
- Latest
