Oil price hike nakaamba

MANILA, Philippines — Inaasahan ang pagtaas ng presyo ng langis sa ika-3 linggo ng Abril, ayon sa mga taga-industriya ng petrolyo.

Inaasahang maglalaro sa P0.50 hanggang P0.60 kada litro ang itataas sa presyo ng gasolina.

Nasa P0.60 hanggang P0.70 kada litro naman ang nakatayang pagtaas sa presyo ng diesel.

Maglalaro sa P0.80 hanggang P0.90 kada litro ang inaasahang pagtaas sa presyo ng kerosene.

Paliwanag ng mga eksperto, maganda ang economic recovery ng US at China na nagbunsod sa taas-presyo. Inaasahang magbabalik din ang demand ng langis sa mga darating na buwan.