Kaso ng COVID-19 sa Metro Manila, posibleng bumaba sa MECQ
MANILA, Philippines — Posible umanong magkaroon ng pagbaba sa kaso ng COVID-19 sa ilalim ng modified enhanced community quarantine (MECQ) sa National Capital Region (NCR) hanggang April 30.
Ayon kay Dr. Guido David ng OCTA research Group, ang pagbaba ng bilang ng COVID-19 infections ay maaaring maganap sa loob ng isang linggo o dalawang linggo.
“Yan ‘yung inaasahan natin na dire-diretsong pagbaba. By next week baka nasa downward trend na tayo hopefully, or next next week,” sabi ni David.
Sinabi ni David na mula sa 10,000 average cases per day, ang bilang ng kaso ay maaaring umabot na lamang sa 7,000.
Sa ngayon anya ang reproduction number ng kaso ng COVID-19 ay 1.24. Ang reproduction number na mababa sa 1 ay nagpapapakita na ang reproduction ng COVID-19 cases ay pababa na.
Simula kahapon, naibalik na ang implementasyon ng MECQ sa NCR, Bulacan, Cavite, Laguna, at Rizal hanggang April 30.
- Latest