Dagdag na ruta ng PUVs sa Metro Manila aarangkada na - LTFRB

MANILA, Philippines — Hindi na mahihirapan ang dumaraming commuters sa kanilang masasakyan sa Metro Manila.

Ito ay dahil inanunsyo ng Land Transportation Franchising and Regulatory Board (LTFRB) na aarangkada na ngayong linggong ito ang dagdag na ruta ng traditional jeepneys at provincial buses sa Metro Manila.

Ayon sa LTFRB, may  62 ruta ng traditional jeepney at 195 ruta ng provincial buses sa Metro Manila ang takdang buksan ngayong linggong ito.

Ayon kay LTFRB NCR  director Zona Tamayo, ang naturang mga ruta ay kapapalooban ng  4,000 bus at jeep na papasada sa Metro Manila.

Anya hindi apektado ng  curfew ang biyahe ng pampublikong sasakyan sa NCR Plus o sa Metro Manila at karatig lalawigan sa Bulacan, cavite, Laguna, at Rizal pero dapat sumunod ang mga commuters sa curfew hours sa naturang mga lugar na mula alas-8 ng gabi hanggang alas-5 ng umaga.