COVID-19 cases sa PNP tumaas na sa 15,646
MANILA, Philippines — Umaabot na sa 15,646 ang kaso ng COVID -19 sa Philippine National Police (PNP) habang nasa 40 na ang nasawi makaraang isa pang pulis ang binawian ng buhay matapos na ma-infect ng virus.
Ayon kay PNP Spokesman P/Brig. Gen. Ildebrandi Usana, isa pang pulis ang nadagdag sa talaan ng mga binawian ng buhay sa COVID 19. Ang nasabing bilang ay naitala dakong alas – 6 ng gabi nitong Biyernes Santo.
Sinabi ni Usana ang huling nasawi sa COVID 19 sa hanay ng kapulisan ay may ranggong P/Staff Sgt, 40-anyos at nakatalaga sa Administrartive Office ng Manila Police District (MPD).
Ayon kay Usana, ang COVID- 19 sa PNP ay nasa 2,603 ang aktibong kaso na patuloy na minomonitor ang kondisyon.
Naitala naman sa 13,003 ang mga nakarekober sa kung saan nasa 213 ang mga bagong gumaling sa virus.
Nakapagtala rin ang PNP ng aabot sa 328 mga bagong kaso ng mga pulis na na-infect ng virus.
- Latest