Checkpoints ikinalat na sa mga boundary sa Metro Manila
MANILA, Philippines — Mas pinahigpit ang inilatag na checkpoints kahapon sa ibat-ibang lugar sa unang araw nang pagpapatupad sa mas mahigpit na general community quarantine sa Metro Manila at apat pang karatig lalawigan.
Kaugnay nito, nilinaw ng pamunuan ng Philippine National Police (PNP) hindi na pinapayagan ang sinumang nais lumabas at pumasok sa Metro Manila batay sa context ng bubble requirement ng national government.
Ayon kay PNP Spokesperson BGen. Ildebrandi Usana, dahil nasa NCR ang outbreak ng COVID-19 virus minarapat ng national government na lakihan ang spread ng boundaries.
Layon nito na malimitahan ang paglabas-masok ng publiko sa Greater Manila Area para mapigilan ang pagtaas pa ng kaso ng COVID.
Pinapayagan sa ngayon na pumasok ng Metro Manila ay ang mga essential workers lamang o ‘yung mga authorized persons outside residence (APOR) kasama na dito ang mga delivery goods and services.
Pinapayagan lamang bumiyahe sa ibang probinsiya kung ang biyahe ay essentiall at ang pinakamahalaga ay compliance sa LGU arrival requirement.
Sinabi ni Usana may mga checkpoints nang itinalaga sa loob at labas ng mga boundaries. Ang mga hindi essential workers ay hindi maaaring makapasok ng Metro Manila.
Ayon kay Usana sa dalawang linggo ipatutupad ng PNP ang ganitong set-up kaya hindi puwedeng makalabas ang sinuman sa NCR maliban na lamang kung mayroong maipakitang ID na isa itong essential workers.
Apela pa ng PNP sa publiko, huwag nalang munang bumiyahe para magbakasyon at manatili na lamang sa bahay ngayong Semana Santa.
Nilinaw naman ni Usana na naka depende sa mga local chief executives kung anong mga pamamaraan na kanilang ipatutupad sa mga lumabag o violators.
Dagdag pa ni Usana, mas makabubuting mag-adjust ng sistema ang mga local government unit at sumabay sa pinaiiral na polisiya ng national government.
- Latest