Mga negosyo sa Quezon City kailangan nang gumamit ng ‘KyusiPass’
MANILA, Philippines — Kailangan nang gumamit ng mga establisimyento sa Quezon City ng KyusiPass digital contact tracing app para sa kanilang mga empleyado at mga customers upang makatulong sa pagpapalakas ng contact-tracing ng lokal na pamahalaan.
“As far as practicable, all business establishments in QC must use our KyusiPass app to make contact tracing easier and faster for early detection of the virus,” pahayag ni Quezon City Mayor Joy Belmonte.
Magagamit anya ng pamahalaan ang contact tracing app upang mabilis na mahanap ang mga nagtutungo sa isang establisimyento o negosyo sa Quezon City.
Ang mga establisimyento naman na gumagamit pa rin ng manual contact tracing ay dapat na hikayatin ang kanilang mga kostumer na magdala ng sarili nilang ballpen para sa paglagda nila ng kanilang pangalan, address at contact number.
Maaring kumuha ang mga negosyo ng kanilang QR code sa Business Permits and Licensing Department ng lungsod.
“For clarity, a lessee inside a larger establishment, like individual stores inside malls, should have its own contact tracing log,” paliwanag ni Belmonte.
Sa pinakahuling guidelines na nilagdaan ni Belmonte, tanging ang mga indibiduwal na 15-65 anyos lamang ang pinapayagang lumabas ng tahanan maliban na lamang kung may mahalagang rason.
- Latest