Pasay LGU nagpasaklolo na sa DOH
Kaso ng COVID-19 patuloy sa pag-alagwa
MANILA, Philippines — Nagpasaklolo na ang Pasay City government sa Department of Health (DOH) at Metro Manila Development Authority (MMDA) para mapagtulungan na masawata ang posibleng pagkalat pa ng hawaan ng COVID sa lungsod.
Sa naging online meeting kahapon ni Pasay City Mayor Emi Calixto-Rubiano kay Health Undersecretary Ma. Maria Rosario Vergeire at Benhur Abalos, sinabi ng alkalde na mas pinalakas nila ang contact tracing ng kasalukuyang 335 contact tracers ng lungsod.
Ala-1:00 ng hapon ng kahapon ay nakapagtala na ng kabuuang 395 na kaso ng COVID-19 ang Pasay City.
Binigyang-diin dito nakitang ang pagsirit sa 83 kaso ng virus noong Pebrero 18 at Peb. 20 na tumugma naman sa obserbasyon ng DOH.
Gayunman, iginiit ni Mayor Emi na hindi sapat para mapabilis ang contact tracing sa ratio na ‘one contact tracer per 1,330 people’.
Dahilan ito para hilingin ng alkalde ang karagdagang nurses at contact tracers at iba pang kinakailangan.
“We really need more personnel and equipment such as health kits and personal protective gears to conduct a city-wide contact tracing activity,” Mayor Emi said, adding: “We need to have the victims’ friends and relatives tested,” ani Mayor Emi.
“Tests are carried out even during holidays and weekends,” ani Mayor Emi.
May itinalagang transportation facilities ang lungsod para sa mga residente patungo sa testing venues.
Fully operational din ang Temporary Treatment and Monitoring Facilities (TTMF) sa Pasay Sports Complex, MOA Reclamation Area, at sa labas ng Folk Arts Theater.
Ang mga pasyente sa mga pasildad ay umakyat na sa 264.
May suplay din ng lingguhang pagkain ang mga naka-home quarantine na pasyente at mga kaanak nito.
- Latest
