‘Pork holiday’ ng meat vendors, nagpatuloy
MANILA, Philippines — Isinagawa ng mga pork vendors ang ikalawang araw ng kanilang ‘pork holiday’ dahil sa hindi kayang maibaba ang presyo ng pork products gaya ng nais ng pamahalaan nang magpatupad ng price ceiling sa karneng baboy.
Ayon sa mga meat vendors ng QC, mataas pa rin ang halaga ng karne ng baboy sa mga meat traders at maaaring malugi lamang sila kung magtitinda.
Sa Murphy Market sa QC, walang nagtinda ng manok at baboy dahil ang mahigit 50 meat vendors dito ay nagkasundong huwag munang magtinda dahil sa price cap.
Sa ilalim ng price ceiling na naipatupad mula February 8 ng pamahalaan, dapat ay mapako sa P270 ang per kilo ng kasim at pigue, P300 sa bawat kilo ng liempo habang P160 per kilo ang karne ng manok.
Nagkulang sa suplay ng baboy ang MMLA dahil ang mga alagaing baboy sa Pampanga at Bulacan ay naapektuhan ng African Swine Flu (ASF). Ang pork products ngayon ay nanggagaling mula sa Batangas at Quezon Province, gayundin sa Visayas at Mindanao kaya may kamahalan ang presyo dahil sa mataas na transport fee.
- Latest