33 barangay sa Pasay ni-lockdown
Kaso ng COVID-19 sumirit
MANILA, Philippines — Nadagdagan pa sa 20 barangay sa kabuuang bilang na 33 ang inilagay sa lockdown ng Pasay City government dahil sa mataas na kaso ng COVID.
Partikular na may pinakamataas na kaso ng virus ang Brgy. 107 sa Zone 11, sa Primero De Marso St., ng Pasay City na mahigpit ngayong binabantayan ang entry at exit points matapos matukoy ng Pasay City Health Office na tinamaan ng virus ang 7 seamen, 2 call center agents, isang senior citizen at isang kasambahay at dalawang babaeng negosyante.
Nitong Biyernes, Pebrero 19, nang iutos ni Pasay Mayor Emi Calixto-Rubiano na ilagay sa ‘Extreme Community Quarantine” ang mga barangay na may mga kasong 3 pataas, batay sa rekomendasyon ni City Administrator Atty. Dennis Acorda.
Magtatagal ng hanggang 14 na araw ang localized lockdown sa mga nasabing barangay.
Ginawa ang aksyon makaraang makatanggap ng ulat si Mayor Emi na kamakalawa ay nakapagtala ng 269 kaso ng COVID-19.
Sa datos ng Pasay City Epidemiology and Surveillance Unit (CESU, nasa 15 kaso lamang ang naitatala kada araw mula Oktubre 2020 hanggang Disyembre at na kaso kada araw naman mula Enero 2021 hanggang Pebrero 2021.
- Latest